रायगडच्या पालकमंत्रिपदाचा तिढा कधी सुटणार? उदय सामंतांनी थेट वर्ष आणि महिनाच सांगितला|VIDEO

सरकार स्थापन झाल्यापासून नाशिक आणि रायगडच्या पालकमंत्रीपदाचा तिढा सुरू असून तो अद्यापही कायम आहे. नाशिकमध्ये गिरीश महाजन तर रायगडमध्ये अदिती तटकरे यांचे नाव जाहीर करण्यात आले होते. मात्र या नावांना महायुतीमधील पक्षांनी विरोध दर्शवल्याने मुख्यमंत्री देवेंद्र फडणवीसांनी हा निर्णय मागे घेतला होता. आता यावरच शिवसेनेचे नेते तथा मंत्री उदय सामंत यांनी भाष्य केले आहे.

रायगडचे पालकमंत्रीपद शिवसेनेला मिळावं असा आग्रह पुन्हा उद्योगमंत्री उदय सामंत यांनी आज महाडमध्ये व्यक्त केला. माझं स्पष्ट मत या बाबतीत शिवसेनेला मिळावं हेच आहे. मात्र याबाबतचा निर्णय हा राज्याच्या मुख्यमंत्री आणि दोन्ही उपमुख्यमंत्री यांनी घ्यावा. शिवाय हा निर्णय लवकरात त्यांनी घ्यावा येत्या नवीन वर्षात हा प्रश्न सुटेल असा विश्वास व्यक्त करताना 2026 च्या जानेवारीमध्ये हा प्रश्न सुटावा अशी विनंती सामंत यांनी तीनही नेत्यांना केली आहे.