Sharad Pawar: राज्यात महाविकास आघाडी किती जागा जिंकणार? शरद पवारांनी थेट आकडाच सांगितला!

पुणे : काही जण भाजपसोबत जाण्यास इच्छुक होते, पण भाजपसोबत जाण्याचा निर्णय झालेला नव्हता, असं शरद पवार यांनी म्हटलंय. पुण्यात आयोजित पत्रकार परिषदेत बोलताना शरद पवार यांनी हे वक्तव्य केलं. प्रादेशिक पक्षांच्या विलीनीकरणाच्या प्रश्नावरही त्यांनी सविस्तर वक्तव्य केलं. सरसकट प्रादेशिक पक्ष विलीन होणार नाही, असं शरद पवार यांनी यावेळी स्पष्ट केलं. दरम्यान, बारामतीमध्ये पैशांचं वाटप झाल्याचा आरोपही शरद पवारांनी केलाय. अमित शाह यांनी केलेल्या वक्तव्याला कोणताही अर्थ नसल्याचंही म्हणत शरद पवारांनी पलटवार केला. दरम्यान, लोकसभा निवडणुकीत महाविकास आघाडी किती जागा जिंकेल, यावरही शरद पवारांनी मत व्यक्त केलं. राज्यात आम्हाला 30 ते 35 जागा मिळतील, असा अंदाज शरद पवार यांनी वर्तवलाय.