Maharashtra Politics : विधानसभा निवडणुकीसाठी राज ठाकरे विदर्भातून कोणाला उमेदवारी देणार? पाहा VIDEO

मुंबई : मनसे अध्यक्ष राज ठाकरे आज नागपूर जिल्ह्यातील १२ विधानसभा जागांचा आढावा घेणार आहेत. कारण आज राज ठाकरे विदर्भ आणि अमरावती दौऱ्यावर आहेत. यादरम्यान ते विदर्भ आणि अमरावतीतून कोणाला उमेदवारी देणार, हे पाहणं महत्वाचं ठरणार आहे. नागपुरात काल २३ ऑगस्ट रोजी रात्री राज ठाकरे दाखल होताच त्यांचं जंगी स्वागत करण्यात आलं.

मतदार संघांचा आढावा घेतल्यानंतर आज राज ठाकरे यांची पत्रकार परिषद होणार आहे. या पत्रकार परिषदेत राज ठाकरे विदर्भाचा दौऱ्यासंदर्भात काय भाष्य करतात, याकडे सगळ्यांचं लक्ष आहे. तसेच नागपूरमधून कोणाला विधानसभेची उमेदवारी जाहीर करतात का, याकडेही लक्ष आहे. विधानसभेसाठी मनसेनं मिशन महाराष्ट्र सुरू केलंय. आता कार्यकर्त्यांनी नागपूरमध्ये राज ठाकरे यांचं जंगी स्वागत केलंय. यंदा विधानसभेची निवडणूक राज ठाकरे स्वबळावर लढविण्याचं ठरवलं आहे. त्यामुळे राज ठाकरेंच्या विदर्भ दौऱ्याकडे राजकीय वर्तुळाचं लक्ष आहे.