Maharashtra Politics : महाविकास आघाडीचा मुख्यमंत्रि‍पदाचा चेहरा कोण? नाना पटोलेंनी स्पष्ट सांगितलं, पाहा VIDEO

मुंबई : विधानसभा निवडणुकीच्या तोंडावर राजकीय पक्ष एकमेकांवर आरोप-प्रत्यारोप करताना दिसत आहेत. मुख्यमंत्र्याचा चेहरा जाहीर करण्यावर काँग्रेस प्रदेशाध्यक्ष नाना पटोले यांनी प्रतिक्रिया देत हा विषय आमच्यासाठी संपला आहे. महाविकास आघाडी म्हणूनच आम्ही सामोरे जाणार आहोत, अशी भूमिका स्पष्ट केलीय. वेदना संपलेल्या सरकारच्या विरोधात आम्ही महाविकास आघाडी म्हणून लढणार असल्याचं नाना पटोले यांनी सांगितलंय.

हे सरकार महाराष्ट्राची अस्मिता संपवायला निघालं आहे. फुले, शाहू, आंबेडकरांचे विचार हे सरकार संपवण्याचा प्रयत्न करीत आहे. त्यामुळे सध्या या निवडणुकीत फक्त महाविकास आघाडी म्हणूनच आम्ही सामोरे जाणार आहोत, असं नाना पटोले म्हणाले आहेत. पटोले यांनी महायुती सरकारवर निशाणा साधला आहे. महायुती सरकार महाराष्ट्राची अस्मिता संपवण्याचा प्रयत्न करत असल्याचा आरोप नाना पटोले यांनी केलाय. निवडणुकीच्या तोंडावर सत्ताधारी आणि विरोधकांमधील संघर्ष पाहायला मिळतोय.