BJP Protest : राहुल गांधींविरोधात भाजपचा आक्रमक पवित्रा; राज्यभरात आंदोलन सुरू, VIDEO

मुंबई : लोकसभेतील विरोधी पक्षनेते राहुल गांधी यांच्या अमेरिकेतील आरक्षणासंदर्भातील विधानाचा भाजपकडून निषेध व्यक्त केला जातोय. त्याविरोधात भाजपकडून राज्यभरात आज आंदोलन सुरू आहे. काँग्रेस नेते राहुल गांधी यांनी आरक्षणविरोधी वक्तव्य केल्याचा आरोप भाजपने केलाय. अमरावती शहरात आक्रमक होत भाजप नेत्यांनी राहुल गांधींच्या पोस्टरला जोडे मारत पोस्टर जाळले.

यावेळी राहुल गांधीच्या विरोधात घोषणा देत जोरदार निषेध भाजप नेते करत असल्याचं दिसतंय. आरक्षण विरोधी भूमिका काँग्रेसने घेऊ नये, अन्यथा भाजपा त्यांना फिरू देणार नाही, असा इशारा भाजप अनुसूचित जाती सेलचे सिद्धार्थ वानखडे यांनी दिलाय. राहुल गांधी यांनी आरक्षण विरोधी भूमिका घेतल्यामुळे नाराज झालेल्या भाजपचे कार्यकर्ते नाराज झाले आहेत. याचाच निषेध करण्यासाठी आज ठाण्यात भाजपचा वतीने राहुल गांधी यांचा निषेध करत घोषणाबाजी करण्यात आली. ठाण्यातील डॉ बाबासाहेब आंबेडकर यांचा पुतळ्याच्या समोर सदरचे निषेध आंदोलन करण्यात आले.