Maharashtra Politics : आम्हाला अजित पवारांची गरज, त्यांच्यावर टीका करणं टाळा; भाजप नेत्यांची आरएसएसला विनंती

अजित पवार यांच्या राष्ट्रवादी काँग्रेस पक्षाला महायुतीत घेतल्यामुळे लोकसभा निवडणुकीत भाजपला फटका बसला, असं मत राष्ट्रीय स्वयंसेवक संघाच्या मुखपत्रात मांडण्यात आलं होतं. यावरून राजकीय वर्तुळात बरीच चर्चा झाली. आता आगामी विधानसभेची निवडणूक अजित पवार स्वबळावर लढणार का? अशाही चर्चा सुरू झाला.

मात्र, भाजप नेत्यांनी अजित पवार महायुतीतच राहणार असल्याचं स्पष्ट केलं आहे. इतकंच नाही तर, विधानसभा निवडणुका डोळ्यासमोर ठेवून भाजप नेत्यांनी राष्ट्रीय स्वयंसेवक संघाला एक विनंती देखील केली आहे. अजित पवारांवर टीका करणे टाळा, असं भाजप नेत्यांनी आरएसएसला सांगितल्याची माहिती सूत्रांनी दिली आहे.

विधानसभा निवडणुकीत अजित पवारांच्या मदतीची भाजपला गरज आहे. त्यामुळे त्यांच्यावर टीका करणे टाळा. अन्यथा महायुतीत फूट पडू शकते, अशी विनवणी देखील भाजप नेत्यांनी आरएसएसला केल्याची माहिती आहे.