Ladki Bahin Yojna: लाडक्या बहिणी झाल्या दोडक्या; 'या' महिलांना ३००० रुपये मिळणार नाही, VIDEO

लाडकी बहीण योजनेंतर्गत प्रत्येक महिलेला दरमहा १५०० थेट बँक खात्यात जमा होऊ लागले. महायुतीच्या सर्वच नेत्यांनी या योजनेला प्रचाराचे मुख्य हत्यार बनवले आणि त्याचा लाभ सरकारला झाला. अखेर, या लोकप्रिय योजनेच्या जोरावर महायुतीने पुन्हा एकदा विधानसभा निवडणुकीत विजय मिळवला.मात्र, आता लाडकी बहिण योजनेच्या लाभार्थ्यांची पडताळणी सुरू झाली आहे. विशेषतः, ज्या लाभार्थ्यांकडे चारचाकी वाहने आहेत, त्यांची तपासणी केली जात आहे. तसेच, ज्यांच्या नावात बदल किंवा किंवा इतर त्रुटी आढळल्या आहेत, त्यांची खातरजमा अंगणवाडी सेविकांमार्फत घरोघरी जाऊन केली जाणार आहे. मात्र या योजनेसाठी सध्या सरकारकडे पुरेसा निधी नाही, त्यामुळे अर्जांची काटेकोर पडताळणी केली जात आहे. पडताळणी पूर्ण झाल्यानंतरच फेब्रुवारी आणि मार्च महिन्यांचा हप्ता लाभार्थी महिलांना मिळणार आहे.