Transfer : गोकुळच्या निवडणूक निर्णय अधिकाऱ्याची बदली; 'हे' आहे मुख्य कारण

करवीरच्या प्रांताधिकारी मौसमी चौगुले यांची पदोन्नतीवर बदली झाली असून, त्यांची छत्रपती संभाजीनगर येथील विभागीय आयुक्त कार्यालयात सह आयुक्त (पुनर्वसन) या पदी नियुक्ती करण्यात आली आहे. आज त्यांच्या बदलीचे अधिकृत आदेश प्रसिद्ध झाले आहेत. राज्यातील उपजिल्हाधिकारी व प्रांताधिकारी यांच्या पदोन्नतीची यादी आज जाहीर करण्यात आली, ज्यामध्ये चौगुले यांचा समावेश आहे.

बदलीचे कारण काय?

ही नियमित प्रशासकीय प्रक्रिया असून, मौसमी चौगुले यांना पदोन्नती (प्रमोशन) मिळाल्यामुळे त्यांची ही बदली झाली आहे.

आदेशातील महत्त्वाची अट:

पदोन्नतीचे आदेश निघाले असले तरी, सध्या सुरू असलेला मतदारयादी पुनर्निरीक्षण कार्यक्रम (SIR) पूर्ण झाल्याशिवाय त्यांना नवीन बदलीच्या ठिकाणी रुजू होता येणार नाही, असे स्पष्ट निर्देश या आदेशात देण्यात आले आहेत.

चौगुले यांची कारकीर्द:

मौसमी चौगुले यांनी १२ जून २०२५ रोजी करवीरच्या प्रांताधिकारी म्हणून पदभार स्वीकारला होता. यापूर्वी त्यांनी सांगली येथे निवासी उपजिल्हाधिकारी म्हणूनही सेवा बजावली आहे. तसेच, गोकुळ दूध संघाच्या निवडणुकीत त्यांनी 'निवडणूक निर्णय अधिकारी' म्हणून महत्त्वपूर्ण जबाबदारी सांभाळली होती.