राज्याच्या राजकारणात आज कॅश बॉम्बने धमाका केला आहे. एकीकडे शिवसेना ठाकरे गटाचे नेते अंबादास दानवे यांनी शिंदेंचे आमदार महेंद्र दळवींचा कॅशसोबत व्हिडिओ समोर आणून एकच खळबळ उडवली. तर दुसरीकडे मनसे नेते संदीप देशपांडे यांनी पीडब्लूडीच्या अधिकाऱ्यांचा लाच घेतानाच व्हिडिओ समोर आणला आहे. हिवाळी अधिवेशनात ठाकरे बंधूंच्या दोन शिलेदारांनी सत्ताधाऱ्यांच्या कॅश बॉम्बवर जोरदार चर्चा होण्याची शक्यता आहे.
मनसे नेते संदीप देशपांडे यांनी पत्रकार परिषद घेत म्हणाले की, पीडब्ल्युडीच्या हाफकीन शाखेत शाखा अभियंता शासनाकडून येणाऱ्या निधीतील टक्केवारी घेतानाच व्हिडिओ समोर आणला आहे. 2 लाख 80 हजार रुपये केवळ शासनाचा निधी आणण्याकरता घेतले जात आहेत. निधी मिळण्यापूर्वीच कंत्राटदाराकडून पैसे घेतले जातात. आधी कंत्राटदारांकडून काही ठराविक टक्केवारी घेतली जायची. मात्र आता निधी आणण्याचे, वर्क ऑर्डर काढण्याचे आणि अंतिम बिलाची वेगवेगळी टक्केवारी घेतली जाते. इतकेच नाही तर भ्रष्टाचाराच्या टक्केवारीत कंत्राटदारांची बोलीही लागली जाते असा गंभीर आरोप त्यांनी केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.