Satish Bhosale: सतीश भोसलेच्या पोलीस मुसक्या आवळणार

आमदार सुरेश धस यांचा निकटवर्ती असलेला सतीश भोसले याने एका तरुणाला बॅटच्या सहाय्याने मारहाण केल्याचा व्हिडिओ अंजली दमानिया यांनी आपल्या एक्स अकाऊंटवर शेअर केला. यामध्ये सतीश भोसले हा एका तरुणाला अर्धनग्न करून बॅटने अमानुषपणे मारत आहे. हा व्हिडिओ समोर आल्यानंतर पोलिसांनी घटनेची माहिती घेतली. मारहाण करणारी व्यक्ती हा सतीश भोसले असल्याचे निष्पन्न झाले. त्यानंतर पोलिसांनी स्वतः फिर्यादी होऊन सतीश भोसलेच्या विरोधात गुन्हा दाखल केला आहे. सतीश भोसलेच्या मुसक्या आवळण्यासाठी बीड पोलीस आता अॅक्शनमोडवर आली असून त्याचा शोध घेण्यासाठी दोन पथके अहिल्यानगर आणि पुणे येथे रवाना झाली आहेत.