CCTV Video : भावजय नगरसेवक कशी झाली? विजयी उमेदवाराच्या घराबाहेर कोयत्याने हल्ला, बीड पुन्हा हादरले

Beed Crime Marathi News : बीडमध्ये नगरपरिषद निवडणुकीनंतर धक्कादायक प्रकार घडलाय. विजयी उमेदवाराच्या घराबाहेर कोयता फिरवत आरोपीनं दहशत माजवलीये. “तुझी भावजय नगरसेवकपदी निवडून कशी काय आली?” असा जाब विचारत आरोपीने कोयता फिरवला, दोन दुचाकींची तोडफोड केली आणि जीवे मारण्याची धमकी दिली. हा संपूर्ण प्रकार सीसीटीव्ही कॅमेऱ्यात कैद झाला. याप्रकरणी शिवाजीनगर पोलीस ठाण्यात गुन्हा दाखल करण्यात आला. पोलिसांनी तातच्काळ आरोपीला अटक केली असून तपास करण्यात येत आहे.

बीडच्या नगरपरिषद निवडणुकीत संत नामदेवनगर येथील अजित पवारांच्या राष्ट्रवादीच्या आरती बनसोडे या नगरसेवक म्हणून निवडून आल्या. निकालानंतर शेजारीच राहणाऱ्या कौशल्य मस्के याने आरती बनसोडे यांचे दीर अजिंक्य बनसोडे यांच्या घरासमोर धारदार कोयता घेऊन दहशत माजवली. भावजय नगरसेवक कशी झाली? असा जाब विचारत कोयत्याने दोन दुचाकींची तोडफोड केली. कोयता फिरवत मोठ-मोठ्याने ओरडत जीवे मारण्याची देखील धमकी दिली.