लक्ष्मण हाके यांच्या कारवर दगडफेक; बीडमध्ये हाके-पंडित कार्यकर्त्यांमध्ये मोठा राडा |VIDEO

बीडमधील ओबीसी समाजाच्या बैठकीत ओबीसी नेते लक्ष्मण हाके यांनी अजित पवार गटाचे आमदार विजयसिंह पंडित यांच्याबद्दल वादग्रस्त विधान केले होते. यामुळे त्यांचे समर्थक आक्रमक होऊन गेवराई शहरातील छत्रपती शिवाजी महाराज चौकात हाके यांच्या पुतळ्याचे दहन केले होते. दरम्यान, माझे पुतळे काय जाळतो.. मलाच जाळ असे आव्हान लक्ष्मण हाके यांनी आमदार विजयसिंह पंडित यांच्यासह त्यांच्या समर्थकांना दिले. त्यानंतर आज हाके हे गेवराई येथील छत्रपती शिवाजी महाराज चौक येथे आले. यावेळी दोन्ही गटाचे कार्यकर्ते आमने सामने आले आणि मोठा राडा झाला. पोलिसांकडून परिस्थितीवर नियंत्रण मिळवण्याचे प्रयत्न केले. पंडित यांच्या कार्यकर्त्यांनी लक्ष्मण हाकेंच्या गाडीवर दगडफेक केली आणि मोठा तणाव निर्माण झाला.