कृष्णराज महाडिकांनी सांगितलं रिंकू राजगुरूच्या भेटीमागचं सीक्रेट! VIDEO

पहिल्यांदाच टीव्हीच्या पडद्यावर चेहरा बघून अवघी तरुणाई 'सैराट' झाली होती, त्या आर्चीची भूमिका साकारणारी रिंकू राजगुरू हिचा कृष्णराज महाडिक यांच्यासोबतचा फोटो सोशल मीडियावर तुफान व्हायरल झाला होता. त्यानंतर 'आर्चीला परशा' मिळाला अशी चर्चा रंगू लागली. महाडिकांच्या फॅन्सनं त्यांच्या पोस्टवरही तशाच आशयाच्या कमेंट केल्या होत्या. यानंतर आता स्वतः कृष्णराज महाडिक यांनी साम टीव्हीला एक्स्क्लुझिव्ह माहिती दिली.

रिंकू राजगुरू हिच्यासोबतच्या भेटीचं सीक्रेट कृष्णराज यांनी सांगितलं. आम्ही ठरवूनच भेटलो होतो. मंदिरात दर्शनासाठीही एकत्रच गेलो होतो. पण त्याचा अर्थ वेगळा काढला जात आहे. आम्ही चांगले मित्र आहोत. त्यापलीकडे आमच्यात काहीच नाही. मी सगळ्यांना विनंती करतो की तुम्ही असं काहीही समजू नका, असं कृष्णराज यांनी सांगितलं.

अलीकडेच कृष्णराजचा एक व्लॉग व्हायरल झाला होता. त्यात त्याच्या लग्नाच्या चर्चा सुरू होत्या. त्यावरही कृष्णराजनं स्पष्टीकरण दिलं आहे. घरात दोन मोठे भाऊ आहेत, लग्ने झाली आहेत. सहाजिकच आता माझ्या लग्नाची चर्चा सुरू झाली आहे. आमची फॅमिली मजा-मस्ती करणारी आहे. जेव्हा एकत्र आलो तेव्हा साहेब असं बोलतील असं अपेक्षित नव्हतं. पण ते बोलून गेले आणि खूप मोठा विषय झाला. माझं लग्न कधी होईल हे सुद्धा माहीत नाही, असं कृष्णराज म्हणाला.