Railway Service Issue : मुसळधार पावसाचा फटका; कोकण रेल्वे विस्कळीत, प्रवाशांचे हाल, VIDEO

रत्नागिरी - रत्नागिरीत कोसळणाऱ्या पावसाचा कोकण रेल्वेला फटका बसला आहे. कोकण रेल्वे मार्गावर वेरवली - विलवडे स्टेशनदरम्यान दरड कोसळली. यामुळे कोकण रेल्वेच्या वाहतुकीवर परिणाम झाला. विलवडे स्टेशनदरम्यान मंगळवारी संध्याकाळी ही घटना घडली. दरड कोसळल्यामुळे जनशताब्दी , तेजस एक्सप्रेस गाड्या उशिरा धावत आहेत. या घटनेने कोकण रेल्वेचे वेळापत्रक कोलमडले.

काही तासांनंतर कोकण रेल्वे मार्गावर कोसळलेली दरड हटविण्यात प्रशासनाला यश आलं. दोन तासानंतर दरड हटविण्यात आल्याने वाहतूक पूर्वपदावर आली. जवळपास दोन तास वाहतूक विस्कळीत झाली होती. मुसळधार पावसामुळे कोकण रेल्वे मार्गावर वेरवली - विलवडे स्टेशन दरम्यान संध्याकाळी दरड कोसळली होती. त्यामुळे कोकण रेल्वेच्या वाहतुकीवर परिणाम झाला होता. जवळपास दोन तासानंतर दरड हटविण्यात यश आल्याने वाहतूक पुन्हा सुरू झाली. मात्र काही गाड्या उशिराने धावताहेत.