शिवसेना ठाकरे गटाच्या माजी महापौर आणि नगरसेविका किशोरी पेडणेकर यांची गटनेतेपदी निवड झाली आहे. ठाकरे गटाची या संदर्भात बैठक पार पडली. यावेळी त्यांचे नाव जाहीर करत गटनेतेपदी नियुक्त करण्यात आली.
गटनेतेपदासाठी विशाखा राऊत, किशोरी पेडणेकर, मिलिंद वैद्य, श्रद्धा जाधव यांची नावे चर्चेत होती. परंतु बैठकीनंतर किशोरी पेडणकर यांची नियुक्त करण्यात आली. यंदाच्या महापालिका निवडणुकीमध्ये ठाकरे बंधूनी युती करत निवडणूक लढवली होती. मात्र या निवडणुकीत त्यांना मोठा धक्का बसला आणि 25 वर्ष एकहाती सत्ता असलेल्या मुंबई महानगरपालिकेत भाजप युतीने ठाकरेंची सत्ता उलथवून लावली. 89 जागा मिळवत भाजपने मोठी मुसंडी मारली. तसेच ठाकरेंच्या शिवसेनेला 65 जागा मिळाल्या. शिंदेंच्या शिवसेनेला 29, कॉँग्रेसला 24, मनसेला 6, एमआयएमला 8, शरद पवार गटाला, 1 अजित पवार गटाला 3, समाजवादी पार्टीने 2 जागा जिंकल्या.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.