Devendra Fadnavis: 'भाजपला स्वबळावर सत्ता अशक्य', देवेंद्र फडणवीसांच्या वक्तव्याने खळबळ; VIDEO

भरत मोहळकर, साम टीव्ही, प्रतिनिधी

विधानसभा निवडणुकीच्या प्रचाराला धुमधडाक्यात सुरुवात झालीय. सर्वच राजकीय पक्ष कंबर कसून कामाला लागले आहेत. तर प्रचारादरम्यान आरोप-प्रत्यारोपांच्या फैरी झाडल्या जात आहेत. त्यापार्श्वभुमीवर उपमुख्यमंत्री देवेंद्र फडणवीसांनी भाजप राज्यात स्वबळावर सत्ता मिळवू शकत नसल्याचं वक्तव्य केलंय. त्यामुळे खळबळ उडालीय..मात्र फडणवीस नेमकं काय म्हणाले? पाहूयात....

मुलाखतीत फडणवीस काय म्हणाले?

• भाजप स्वबळावर सरकार स्थापन करू शकत नाही

• मात्र भाजप हा सर्वाधिक मतांच्या टक्क्यासह सर्वात मोठा पक्ष ठरेल

• महायुतीला सरकार स्थापन करण्यासाठी मोठा स्कोप आहे

• एकनाथ शिंदेंची शिवसेना आणि अजित पवारांच्या राष्ट्रवादीसह महायुती नक्की सरकार स्थापन करेल.

भाजपने महायुतीत सर्वाधिक उमेदवार जाहीर केले आहेत. त्यातच व्यावहारिकतेचा विचार करून फडणवीसांनी भाजप सर्वाधिक जागा जिंकू शकतो आणि महायुती सत्ता स्थापन करणार, असा विश्वास व्यक्त केलाय. मात्र मतदार फडणवीसांचा विश्वास सार्थ ठरवणार की विश्वासाला तडा देणार? हे 23 नोव्हेंबरच्या निकालात स्पष्ट होणार आहे.