Israel-Iran Conflict: इस्त्रायलचा मोठा हल्ला, महत्वाचे ठिकाणे उद्धवस्त, इराणकडून एअरस्पेस बंद|VIDEO

इस्रायलने इराणवर ड्रोन आणि क्षेपणास्त्रांनी हल्ला केला आहे. इस्रायली सैन्याने इराणची राजधानी तेहरानवर बॉम्ब हल्ला केला तसेच इराणच्या अण्वस्त्र आणि लष्करी केंद्रांवरही हल्ले केले आहेत. या हल्ल्यामुळे इराणचे प्रचंड नुकसान झाले असून इराणवरील हल्ल्यानंतर इस्त्रायलने आपला एअर स्पेस बंद केला आहे. इराणकडून हल्ल्यास प्रत्युत्तर मिळण्याच्या शक्यतेमुळे इस्रायलने आणीबाणीची परिस्थिती जाहीर केली आहे. या दोन्ही देशातील चालू असणाऱ्या युद्धाचा भारतावर परिणाम झाला आहे.

इस्रायलच्या हवाई हल्ल्यानंतर सुरक्षेच्या कारणास्तव इराणनं आपली एअरस्पेस बंद केली आहे. याचा भारतीय विमानांना मोठा फटका बसला आहे. एअर इंडियाच्या १६ विमानांचा मार्ग बदलावा लागला तर काही विमानं मागे वळवावी लागलीत एअर इंडियाच्या मुंबई-लंडन, मुंबई-न्यूयॉर्क, दिल्ली-न्यूयॉर्क विमानांना मोठा फटका बसला आहे.