टी-20 वर्ल्डकपमध्ये भारताचा दणदणीत विजय; तिसऱ्यांदा चॅम्पियन, राज्यात जल्लोष|VIDEO

टी-20 वर्ल्डकपच्या अंतिम सामन्यात भारताने दमदार कामगिरी करत न्यूझीलंडचा पराभव केला आणि स्पर्धेचे विजेतेपद पटकावले. या विजयासह भारताने टी-20 वर्ल्डकपवर तिसऱ्यांदा आपले नाव कोरले आहे. विशेष म्हणजे भारताने सलग दुसऱ्यांदा टी-20 वर्ल्डकप जिंकत क्रिकेटविश्वात आपले वर्चस्व सिद्ध केले आहे. अंतिम सामन्यात भारतीय संघाने सर्वांगीण कामगिरी करत न्यूझीलंडवर मात केली. फलंदाजीत भारताकडून अभिषेक शर्मा, ईशान किशन आणि संजू सॅमसन यांनी जबरदस्त खेळी करत संघाच्या विजयात मोलाची भूमिका बजावली. या तिघांच्या शानदार कामगिरीमुळे भारताला मोठा विजय मिळवता आला.

संपूर्ण स्पर्धेत भारतीय संघाने सातत्यपूर्ण आणि आक्रमक खेळ दाखवत अंतिम फेरी गाठली होती. अंतिम सामन्यातही भारताने दबदबा कायम ठेवत न्यूझीलंडला नमवले आणि ट्रॉफीवर आपले नाव कोरले. या ऐतिहासिक विजयानंतर देशभरात क्रिकेट चाहत्यांकडून जल्लोष साजरा केला जात आहे. भारतीय संघाच्या या यशामुळे देशभरातून खेळाडूंवर शुभेच्छांचा वर्षाव होत आहे.