दिवाळीत लेकरांना कपडे घ्यायला पैसे नव्हते; नैराश्यग्रस्त शेतकरी बापाने आयुष्य संपवलं, पाहा काळीज पिळवटून टाकणारा VIDEO

हिंगोलीच्या पार्टी गावात 32 वर्षीय शेतकऱ्याने विष प्राशन करून आत्महत्या केल्याची घटना घडली आहे. दिवाळी सणात सरकारने जाहीर केलेली मदत खात्यावर पोहोचली नाही. त्यामुळे लहान चिमुकल्यांना कपडे खरेदी करू न शकल्याने विष प्राशन करून या शेतकऱ्याने आत्महत्या केल्याचं भावाने सांगत शासकीय रुग्णालयात टाहो फोडला आहे. साडेचार एकर शेती असलेल्या पांडुरंग सांगळे यांच्या शेतात सोयाबीन, तूर, उडीद, मूग अशी पिके होती. शेतात पेरणी करण्यासाठी त्यांनी खरीपाच्या हंगामात स्टेट बँक ऑफ इंडिया या बँकेतून पीक कर्ज उचलले होते.

मात्र अतिवृष्टीने शेतात काहीच शिल्लक राहिले नसल्याने पांडुरंग सांगळे आर्थिक संकटात सापडले त्यातून त्यांना नैराश्य आलं. मात्र सरकारने मदत जाहीर केल्याने लवकरच पैसे खात्यात पडतील आणि मुला बाळांना दिवाळी सणात कपडे खरेदी करू या आशेवर सांगळे वाट पहात थांबले होते. मात्र दिवाळी उलटली तरी सरकारचा एक रुपयाही खात्यावर पडला नाही. बाप म्हणून स्वतःच्या मुला बाळांना कपडे घेऊ शकलो नाही. या चिंतेत असलेल्या सांगळे यांनी आज सकाळी सात वाजता शेतात जाऊन विशेष प्राशन केलं ज्यामध्ये त्यांचा उपचारा आधीच मृत्यू झाला आहे. या घटनेमुळे पुन्हा एकदा मराठवाड्यातील शेतकऱ्यांचा आक्रोश पुढे आला असून, शेतकऱ्यांच्या आत्महत्येचा प्रश्न गंभीर बनला आहे.