VIDEO : हेमंत पाटील-प्रताप पाटील चिखलीकर मनोमिलनाचा महायुतीला फायदा?

माजी खासदार प्रताप पाटील चिखलीकर आणि आमदार हेमंत पाटील यांचे आज मनोमिलन झाले आहे. विधानसभा निवडणुकीच्या अनुषंगाने या मनोमिलनाने महायुतीला याचा फायदा होईल का? हे पाहाणं महत्वाचं ठरणार आहे.

मागील विधानसभा निवडणुकीत हेमंत पाटील यांच्या पत्नी राजश्री पाटील यांचा नांदेड दक्षिण विधानसभा मतदारसंघातून पराभव झाला होता. या पराभवाला माजी खासदार प्रताप पाटील चिखलीकर हेच जबाबदार होते. राजश्री पाटील यांच्या विरोधात मागच्या वेळेस माजी खासदार प्रताप पाटील चिखलीकर यांनी उघडपणे प्रचार केला होता. तेंव्हापासून प्रताप पाटील आणि हेमंत पाटील यांच्यात वितुष्ट निर्माण झाले होते. परंतु या निवडणुकीत लोहा-कंधार विधानसभा मतदारसंघातून माजी खासदार प्रताप पाटील चिखलीकर हे राष्ट्रवादी अजित पवार गटाकडून मैदानात आहेत. त्यामुळे प्रताप पाटील चिखलीकर यांनी दोन पाऊले मागे येत हेमंत पाटील यांच्या सोबतचे वितुष्ट मिठवण्याचा प्रयत्न केला. अखेर हेमंत पाटील आणि प्रताप पाटील यांच्या मध्ये एका प्रचार सभेत मनोमिलन झाले. जिल्ह्यातील या बड्या नेत्यांमध्ये मनोमिलन झाल्याने याचा फायदा महायुतीला होण्याची शक्यता आहे.

Edited By Rakhi Rajput