Maharashtra Politics: वाशिम जिल्ह्याचे नवे पालकमंत्री दत्ता भरणे! हसन मुश्रीफ यांच्या जागी नियुक्ती, VIDEO

वाशिम जिल्ह्याच्या पालकमंत्रीपदी राष्ट्रवादी अजित पवार गटाचे दत्ता भरणे यांची वर्णी लागली आहे. महायुतीचे सरकार स्थापन झाल्यानंतर अनेक दिवस पालकमंत्रीपदाचा तिढा सुटत नव्हता. त्यानंतर महाराष्ट्रातील सर्व जिल्ह्याचे पालकमंत्री जाहीर झाले होते. मात्र नाशिक आणि रायगड जिल्ह्याच्या पालकमंत्रीपदावरून वाद झाल्यानंतर काही तासातच मुख्यमंत्री देवेंद्र फडणवीस यांनी स्थगिती दिली होती. अजूनही या दोन जागेवरून महायुतीत घमासान आहे. देवेंद्र फडणवीस हे नाशिक दौऱ्यावर असताना नाशिकच्या पालकमंत्रीपदाचा चार्ज हा माझ्याकडे आहे असे विधान केल्यानंतर सर्वांच्याच राजकीय भुवया उंचवल्या आहे. वाशिम जिल्ह्याच्या पालकमंत्रीपदी अजित पवार गटाचे मंत्री हसन मुश्रीफ यांच्याकडे सोपवण्यात आली होती. मात्र त्यांनी काही दिवसपूर्वीच आपला राजीनामा दिला आणि आज दत्ता भरणे यांच्याकडे ही जबाबदारी देण्यात आली आहे.