Gulabrao Patil: जसे आम्ही पक्ष फोडतो, तसे तुम्ही विद्यार्थी फोडा शाळेचे विद्यार्थ्यांची संख्या वाढवण्यासाठी मंत्री गुलाबराव पाटील यांचा अजब सल्ला|VIDEO

शिवसेना नेते गुलाबराव पाटील यांनी एक अजब वक्तव्य केले आहे. ते नेहमीच आपल्या विधानाने,भाषणाने आणि शेरोशायरीने राज्यात चर्चेत असतात. जिल्हा परिषदेच्या शाळांमध्ये विद्यार्थ्यांची संख्या वाढावी हे सांगताना आम्ही ज्या पद्धतीने पक्ष फोडतो त्या पद्धतीने तुम्ही विद्यार्थी फोडले पाहिजे असे अचंबित करणार वक्तव्य मंत्री गुलाबराव पाटील यांनी केलं आहे. ते म्हणाले, मी माझ्या आयुष्यात बऱ्याच लोकांना त्रास दिला, मात्र मी तात्पुरत्या स्वरूपात बोललो आणि लगेच विसरलो. परंतु मी शिक्षकांना कधीच त्रास दिला नाही असेही गुलाबराव पाटील म्हणाले.

जिल्हा परिषदेच्या शाळांमध्ये विद्यार्थ्यांची संख्या वाढावी हे सांगताना मंत्री गुलाबराव पाटील म्हणाले आम्ही ज्या पद्धतीने पक्ष फोडतो त्या पद्धतीने तुम्ही विद्यार्थी फोडले पाहिजे. जळगाव ग्रामीण मधील जिल्हा परिषद शाळांमध्ये एकूण 45000 एवढे विद्यार्थी आहेत. त्यामध्ये कुठलीही वाढ झाली नाही यावर बोलताना मंत्री गुलाबराव पाटील यांनी ही विधान केलं आहे.