कोरेगाव भीमा परिसरात शौर्य दिनाच्या पार्श्वभूमीवर तणावाचं सावट असतानाच आता बिबट्याच्या हालचालींनी आणखी चिंतेचं वातावरण निर्माण केलं आहे. या पार्श्वभूमीवर वन विभागाने बिबट्यांना जेरबंद करण्यासाठी लावलेले पिंजरे मात्र फोल ठरताना दिसतायत. कारण बिबट्या पकडण्यासाठी लावलेल्या पिंजऱ्यात वन विभागाच्या नजरेसमोर चक्क एक कुत्रं जेरबंद झालं! त्यामुळे वन विभागाच्या दक्षतेवरच प्रश्नचिन्ह उभं राहिलं आहे. कोरेगाव भीमा परिसरात बिबट्यांच्या हालचालींमुळे नागरिकांमध्ये भीतीचं वातावरण असताना वन विभागाकडून पिंजरे लावण्यात आलेत. मात्र या पिंजऱ्यात बिबट्या नव्हे तर कुत्रं अडकल्याचं चित्र समोर आलं आहे. त्यामुळे वन विभागाची तयारी आणि देखरेख यावर स्थानिक नागरिकांकडून तीव्र नाराजी व्यक्त केली जात आहे. बिबट्याच्या ऐवजी कुत्रं पकडलं जाणं ही वन विभागाच्या कार्यक्षमतेवर मोठी शंका निर्माण करणारी बाब ठरली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.