रायगड उरण कारंजा समुद्रात गुजरातची मासेमारी नौका बुडाली
घटनेनंतर नौदल आणि सीआयएसएफकडून बचावकार्य सुरू
अपघाताचे कारण व बोटीवरील प्रवाशांची संख्या अद्याप अज्ञात
मासेमारी बंदी असतानाही नौका समुद्रात कशी आली यावर वाद
रायगड येथील उरण कारंजा समुद्रामध्ये मासेमारी बोट बुडाल्याची घटना घडली आहे. आज सकाळी साडेनऊ वाजेच्या सुमारास करंजा रिप्स येथे ह्ईब घटना घडली आहे. प्राप्त झालेल्या माहितीनुसार ही मासेमारी नौका गुजरात येथील असल्याचे सांगितले जात आहे. या घटनेची माहिती मिळताच सीआयएसएफ आणि नौदलाच्या गस्त नौकाद्वारे बचावकार्य सुरू करण्यात आले आहे. मात्र हा अपघात कशामुळे झाला, बोटीवर कितीजण होते? जीवितहानी झालेली आहे का? किती नुकसान झाले? याबाबत अद्याप कोणतीही माहिती समोर आलेली नाहीये. वादळी हवामानामुळे मासेमारी बंदी असतानाही सदरची बोट समुद्रात कशी आली, असा सवाल आता उपस्थित होत आहे. सदर घटनेवर महाराष्ट्र मेरीटाईम बोर्ड, मत्स्य परवाना विभाग, कस्टम, पोलीस यांनी सदर घटनेसंदर्भात जातीने लक्ष केंद्रित करावे अशी मागणी कोळी बांधव करत आहे. भारतीय नौदलाकडून अद्याप दुर्घटनेच्या बचावकार्याबाबत माहिती देण्यात आलेली नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.