VIDEO: Beed-Ahmednagar मार्गावर खड्ड्यांचं साम्राज्य, खड्ड्यात रस्ते की रस्त्यात खड्डे कळेना

बीडमध्ये गेल्या तीन दिवसांपासून संततधार पाऊस सुरु आहे. पावसामुळे बीड- अहमदनगर महामार्गाची चाळण झालेली पाहायला मिळत आहे. बीड- अहमदनगर महामार्गावर मोठमोठे खड्डे पडल्याने वाहनचालकांना या रस्त्यावरुन प्रवास करायला तारेवरची कसरत करावी लागत आहे. हा रस्ता शहरातून जाणारा मुख्य महामार्ग असून या महामार्गावरच जिल्हाधिकारी कार्यालय, जिल्हा न्यायालय, बांधकाम विभाग कार्यालय, पाणीपुरवठा कार्यालय, तहसील कार्यालय यासह जिल्हाधिकारी यांचे निवासस्थान, आमदार संदीप क्षीरसागर यांचा बंगला देखील आहे. तरीसुद्धा प्रशासनाला जाग येत नसल्याने नागरिकांकडून संताप व्यक्त केला जात आहे. त्यामुळे खड्ड्यात गेलं बीड...असंच म्हणण्याची वेळ आता बीडकरांवर आली आहे.