मुंबई महाराष्ट्रापासून तोडण्याची कॅसेट जुनी झाली; एकनाथ शिंदेंची ठाकरे बंधूंवर टीका, VIDEO

उपमुख्यमंत्री एकनाथ शिंदे यांनी ठाकरे बंधूंवर जोरदार निशाणा साधला आहे. ठाकरे बंधू अस्तित्व टिकवण्यासाठी निवडणूक लढवत असून आवई उठवण्याची कॅसेट जुनी झाली, असं म्हणत शिंदेंनी ठाकरेंवर टीका केली. ते साम टीव्हीच्या 'ब्लॅक अँड व्हाइट' कार्यक्रमात बोलत होते.

एकनाथ शिंदे म्हणाले, 'काही लोक स्वत:च्या स्वार्थासाठी निवडणुका लढवत असतात. काही लोक अस्तित्व टिकवण्यासाठी निवडणुका लढवत असतात. ते दरवेळीप्रमाणे मुंबई महाराष्ट्रापासून तोडणार. मराठी माणूस धोक्यात आलाय. मुंबई खतरे में है, ही त्यांची अनेक वर्षांपासून आवई उठवतात. ही कॅसेट जुनी झाली आहे. लोकांनाही ते अंगवळणी पडली आहे. भावनेच्या आधारावर मुंबईची निवडणूक लढवता येणार नाही. मुंबईकर सुज्ञ आहेत. आता लोकांना विकास पाहिजे. सोयीसुविधा पाहिजे. जीवनमान सुधारलं पाहिजे. वाहतूक कोंडी नको पाहिजे'.