Eknath Shinde : मुख्यमंत्रिपद सोडलं, मात्र गृहखात्यात हस्तक्षेप नको? काय आहे शिंदेंची मागणी, पाहा Video

भाजपचा मुख्यमंत्री झाला तरी गृहमंत्री खातं मिळावं यासाठी एकनाथ शिंदे अजूनही ठाम आहेत. मात्र यातही भाजपच्या मुख्यमंत्र्यांचा कुठला हस्तक्षेप शिंदेंना नको असल्याचं सूत्रांकडून कळालं आहे. एकनाथ शिंदे यांच्याकडे जे खातं असेल त्या खात्याचा अंतिम निर्णय हा शिंदेंचाच असेल अशी त्यांची मागणी असल्याचं सूत्रांनी सांगितलं आहे. नगर विकास खात्यावर देखील शिंदेंना भाजपच्या मुख्यमंत्र्यांचं नियंत्रण नकोय. त्यांना ते अमान्य असल्याची माहिती समोर आली आहे. तर अधिकाऱ्यांची बदली आणि त्यांच्या संदर्भातल्या निर्णयाचे शिफारस करण्याचे अधिकार सुद्धा मंत्र्यांना असतात, मात्र अंतिम सही मुख्यमंत्र्यांची असते. हाच हस्तक्षेप शिंदेंना नको असल्याची माहिती सूत्रांकडून देण्यात आली आहे.

भाजपचा मुख्यमंत्री करण्यास शिंदे राजी असल्याचं सूत्रांकडून सांगण्यात आलंय. मात्र त्यांना त्याबदल्यात गृहखातं हवं आहे. तसंच गृहखात्यात भाजपच्या मुख्यमंत्र्याचा हस्तक्षेप शिंदेंना नको आहे. एकनाथ शिंदे यांना जे खातं दिलं जाईल त्याचा अंतिम निर्णय शिंदेंचाच असेल, असं सूत्रांनी सांगितलं आहे. तर शिंदे यांची ही हस्तक्षेप न करण्याची मागणी मात्र भाजपला अमान्य असल्याचंही सूत्रांनी सांगितलं आहे.

Edited By Rakhi Rajput