Mahapalika Election : एकनाथ शिंदे अन् रवींद्र चव्हाण यांच्यात पहाटे ४ वाजेपर्यंत बैठक, राज्यातील जागावाटपावर शिक्कामोर्तब?

Mahayuti Seat Sharing News : नगरपरिषद निवडणुकीच्या निकालांनंतर आता महायुतीने आपला मोर्चा आगामी महानगरपालिकांकडे वळवलाय. त्याचपार्श्वभूमीवर उपमुख्यमंत्री एकनाथ शिंदे आणि भाजप नेते रवींद्र चव्हाण यांच्यात ठाण्यातील निवासस्थानी तब्बल 5 तास खलबतं झाली. शिवसेनेचे खासदार डॉ. श्रीकांत शिंदे, खा. नरेश म्हस्के, सरचिटणीस राहुल शेवाळे हे या चर्चेदरम्यान उपस्थित होते. पहाटे 4 वाजेपर्यंत चाललेल्या या मॅरेथॉन बैठकीत मुंबईसह राज्यातील जागावाटपाच्या अंतिम यादीवर शिक्कामोर्तब झाल्याची चर्चा आहे. ठाणे, कल्याण डोंबिवलीसह मुंबई महानगर क्षेत्रातील (एमएमआर) महापालिकांमधील शिवसेना-भाजप युती अंतिम टप्प्यात आहे. महायुतीकडून आज यासंदर्भात अधिकृत घोषणा होण्याची शक्यता आहे अशी माहिती सूत्रांनी दिलीय.