Earthquake News : छताचे पंखे, खुर्च्या हादरल्या; दिल्ली भूकंपाचं पाकिस्तान कनेक्शन, पाहा VIDEO

मुंबई : दिल्ली-एनसीआरमध्ये आज भूकंपाचा जोरदार धक्का बसलाय. उत्तर प्रदेशपासून काश्मीरपर्यंत जमीन हादरल्याचं समोर आलंय. दिल्ली भूकंपाचं पाकिस्तान कनेक्शन जोडलं जातंय. दिल्लीतील या भूकंपाचा केंद्रबिंदू पाकिस्तानमध्ये असल्याचं सांगितलं जात आहे. भूकंपाची तीव्रता रिश्टर स्केलवर ५.८ मोजण्यात आली. पाकिस्तानमधील पेशावर, इस्लामाबाद आणि लाहोरमध्ये देखील आज भूकंपाचे धक्के बसले आहेत.

भारतामध्ये दिल्ली, उत्तर प्रदेश, हरियाणा, पंजाब, जम्मू-काश्मीरमध्ये जमीन हादरल्याचं समोर आलंय. आज दुपारी १२ वाजून ५८ मिनिटांनी हा भूकंप झाल्याचं सांगितलं जातंय. भूकंप झाला तेव्हा छताचे पंखे, खुर्च्या हादरल्याचं समोर आलंय. त्यामुळे अनेक लोक घराबाहेर पडले होते. या भूकंपाचे व्हिडिओ सोशल मीडियावर शेअर करण्यात आले आहेत. भूकंपाचा केंद्रबिंदू पृथ्वीच्या खाली ३३ किमी असल्याचं सांगितलं जातंय. भूकंप १०किलोमीटर खोलीवर होता.