Disha Salian Uddhav Thackeray : 'खोट्याचा नायटा कराल, तर तुमच्यावरच बुमरँग होईल', दिशा सालियान प्रकरणावरुन उद्धव ठाकरेंची सत्ताधाऱ्यांवर सडेतोड टीका

Disha Salian : दिशा सालियान मृत्यू प्रकरण पुन्हा एकदा चर्चेत आले आहे. दिशाच्या वडिलांनी म्हणजे सतीश सालियान यांनी या प्रकरणी मुंबई उच्च न्यायालयात धाव घेत याचिका दाखल केली आहे. याचिका दाखल करत त्यांनी आदित्य ठाकरे, रिया चक्रवर्ती यांच्यासह काही लोकांवर आरोप केले आहेत. दरम्यान दिशा सालियान मृत्यू प्रकरणावर उद्धव ठाकरे यांनी प्रतिक्रिया दिली आहे.

'मागील एक-दोन अधिवेश हा मुद्दा आला कसा नाही, याचं मला आश्चर्य वाटले होते. दर वेळेला अधिवेशन आलं की हा मुद्दा काढला जातो. त्याच्यात काही नवीन नाही. यात आदित्य ठाकरेंचा दुरान्वयेही संबंध नाही. राजकारण वाईट बाजूला न्यायचे असेल, तर सगळ्यांचीच पंचाईत होईल. खोट्याचं खरं करणार असाल, तर हे तुमच्यावरही बुमरँग होऊ शकेल', असे वक्तव्य उद्धव ठाकरे यांनी केले आहेत.