Devendra Fadnavis : 'मी आणि शिंदेसाहेब आलटून-पालटून CM असतो', मुख्यमंत्रि‍पदावर फडणवीसांचं मोठं वक्तव्य

Fadnavis statement at Mandangad court inauguration viral : देवेंद्र फडणवीसांनी मुख्यमंत्रीपदाबाबत एक मिश्किल विधान केलेय. पण त्याची सध्या महाराष्ट्राच्या राजकारणात जोरदार चर्चा रंगली आहे. 'मी आणि शिंदेसाहेब आलटून पालटून मुख्यमंत्री असतो, त्यात काही नवल नाही असं देवेंद्र फडणवीस म्हणाले. ते मंडणगडमध्ये न्यायालयाचे उद्घाटन कार्यक्रमात बोलत होते. मुख्यमंत्री फडणवीस म्हणाले, मंडणगडचे न्यायालय हे अतिशय महत्त्वाचे आहे. या न्यायालयामुळे चार-साडेचार लाख लोकांना हे न्यायालय मध्यवर्ती ठिकाण असणार आहे. यामुळे लोकांचा प्रवास, पैसा वाचणार आहे. ही केवळ इमारत नसून, लोकांकरिता न्यायदानाची एक गतीशील व्यवस्था तयार झाली आहे. याचे शंभर टक्के श्रेय सरन्यायाधीश गवई यांचे आहे. प्रलंबित खटले वेगांनी निकाली निघतील.

देवेंद्र फडणवीस यांनी मुख्यमंत्रीपदाबाबत बोलताना सुनी आठवण सांगितली. ते म्हणाले.. मंडणगडमध्ये मी भूमीपूजनाला आलो होतो तेव्हा गवई साहेब सर्वोच्च न्यायालयाचे न्यायमूर्ती होते आणि मी उपमुख्यमंत्री होतो. आता ते सरन्यायाधीश झाले आहेत आणि मी मुख्यमंत्री झालो आहे.