Devendra Fadnavis: दिवाळीआधी शेतकऱ्यांना मदत मिळणार? CM देवेंद्र फडणवीस काय म्हणाले? VIDEO

मराठवाडा, सोलापूर आणि राज्यातील अनेक भागांमध्ये अतिवृष्टीने शेतकऱ्यांचे मोठे नुकसान झाले आहे. डोळ्यासमोर होत्याचे नव्हते झाल्याने आता जगायचं कसं या चिंतेत शेतकऱ्याला झोप लागत नाहीये. सत्ताधारी असो व विरोधक सगळेच बांदयावर जाऊन आले. मात्र, प्रत्यक्ष मदत अजूनही शेतकऱ्याला पोहोचली नाही. अशातच आज मंत्रिमंडळाची बैठक पार पडली. यानंतर मुख्यमंत्री देवेंद्र फडणवीस म्हणाले, ओला दुष्काळ जाहीर करावा अशी मागणी सातत्याने होत आहे. राज्यमंत्री मंडळाने निर्णय घेतला आहे की आपण शेतकऱ्यांना सर्व सवलती आणि मदत देऊ. कारण नियमांमध्ये ओला दुष्काळ असे काहीच नाहीये. आजपर्यंत कधीही दुष्काळ जाहीर झालेला नाहीये. तरी आम्ही निर्णय घेतला आहे की दुष्काळ पडतो. तेव्हा ज्या उपाययोजना राबवल्या जातात, तेव्हा ज्या सवलती दिल्या जातात. त्या सर्व सवलती दिल्या जातात त्या सर्व सवलती आम्ही यावेळी देखील देणार आहोत. असे आश्वासन मुख्यमंत्री देवेंद्र फडणवीस यांनी दिले आहे.