Devendra Fadnavis : फडणवीसांनी घेतलं सिद्धिविनायक आणि मुंबदेवीचं दर्शन | VIDEO

दादर येथील सिद्धिविनायक मंदिरात जात आज शपथविधी सोहळ्यापूर्वी राज्याचे नवे मुख्यमंत्री देवेंद्र फडणवीस यांनी दर्शन घेतले. शपथविधीपूर्वी फडणवीस यांनी श्रीगणरायाचरणी तसंच मुंबईदेवीच्या चरणी प्रार्थना केलेली दिसली. यावेळी त्यांच्यासोबत गिरीश महाजन देखील उपस्थित होते.

राज्यातील विधानसभा निवडणूक निकालाच्या 13 दिवसांनंतर आज नवीन सरकार स्थापन होणार आहे. मुंबईच्या आझाद मैदानावर आज सायंकाळी साडेपाच वाजता शपथविधी होणार आहे. देवेंद्र फडणवीस तिसऱ्यांदा मुख्यमंत्रिपदाची शपथ घेणार आहेत. तर राष्ट्रवादीचे नेते अजित पवार सहाव्यांदा उपमुख्यमंत्री होणार आहेत. या शपथविधी सोहळ्याला पंतप्रधान नरेंद्र मोदी, केंद्रीय गृहमंत्री अमित शहा, संरक्षण मंत्री राजनाथ सिंह, भाजप अध्यक्ष जेपी नड्डा यांच्यासह अनेक भाजप नेते हजेरी लावणार आहेत. त्याचबरोबर राज्यात गेम चेंजर ठरलेल्या लाडक्या बहिणींना देखील या सोहळ्याचं आमंत्रण देण्यात आलं आहे.

Edited By Rakhi Rajput