VIDEO : पावसात सभा झाल्यावर निवडून येतात; भाषणावेळी पाऊस आला, फडणवीसांचा शरद पवारांना टोला

पावसात सभा झाल्यावर निवडून येतात, असं नेते म्हणतात. हा शुभ संकेत आहे. आता मी पावसात सभा घेत आहे. त्यामुळे सत्यजित देशमुख यांची सीट निवडून येणं पक्क आहे, असं म्हणत उपमुख्यमंत्री देवेंद्र फडणवीस यांनी शरद पवार यांना टोला लगावला आहे. आज शिरोळ येथे देवेंद्र फडणवीस यांची सभा पार पडली. यावेळी सभा सुरू असतानाच अचानक पावसाने हजेरी लावली. त्यावरून फडणवीस यांनी शरद पवारांवर टीका केली आहे. पाऊस पडो अथवा ना पडो पण मतांचा पाऊस पडणार ही काळ्या दगडावरची पांढरी रेघ आहे, असंही यावेळी फडणवीस यांनी म्हंटलं आहे. पावसात भिजत केलेल्या या भाषणात शिरोळ मतदारसंघासाठी पैशांची कमतरता पडू देणार नाही, असं आश्वासनही फडणवीस यांनी दिलं आहे. तसंच शिरोळसाठी सगळ्या मागण्या पूर्ण करून दाखवू. पाच वर्षांनी पुन्हा मत मागण्यासाठी येऊ तेव्हा त्यातील एकही मागणी शिल्लक नसेल हे वचन देण्यासाठी मी आलो आहे, असं सांगत आमचं सरकार सामान्य माणसाचं सरकार आहे, असं फडणवीस म्हणालेत.

Edited By Rakhi Rajput