Breaking News : दिल्लीत घातपात घडवण्याचा कट उधळला, VIDEO

राजधानी दिल्लीतून अत्यंत महत्त्वाची बातमी... दिल्लीत घातपाताचा कट पोलीस आणि गुप्तचर यंत्रणांनी उधळून लावला आहे. हे षडयंत्र पाकिस्तानी गुप्तचर संस्था आयएसआयनं रचलं होतं. हा कट रचण्यासाठी दिल्लीत आलेल्या दोन हेरांना पोलिसांनी अटक केलीय. अन्सारुल मियां अन्सारी आणि अखलाक आझम अशी त्यांची नावं आहेत. या कटातही पाकिस्तान दूतावासात तैनात असलेल्या दानिशची भूमिका असल्याचा संशय तपास यंत्रणांना आहे. सध्या पोलिस आणि इतर एजन्सी या दोन्ही हेरांची चौकशी करतंय.

अन्सारी पाकिस्तानात पळून जाण्याच्या प्रयत्नात

पोलीस सूत्रांनुसार, अन्सारी हा पाकिस्तानात पळून जाण्याच्या तयारीत असतानाच त्याच्या मुसक्या आवळल्या. अन्सारी हा राजधानी दिल्लीत आयएसआयच्या सूचनेनुसार आला होता. गोपनीय दस्तावेजांची सीडी तयार करून ती पाकिस्तानला पाठवावी, असं आयएसआयने अन्सारीला सांगितले होते. दुसरा हेर अखलाख हा झारखंडच्या रांचीचा आहे. त्यानं अन्सारूलची मदत केली. दोघेही पाकिस्तानच्या हँडलरच्या कायम संपर्कात होते, अशीही माहिती उघड झाली आहे.