Pune Porsche Accident News । पुणे प्रकरणावर दीपक केसरकारांचा मोठा खुलासा ? नेमकं काय म्हणाले ?

Deepak Kesarkar : प्रसार माध्यमांशी संवाद साधताना दीपक केसरकर यांनी अनेक विषयांवर भाष्य केलं. यावेळी पुण्यातील कल्याणीनगर भागात घडलेल्या अपघातावरही त्यांनी भाष्य केले. पुणे अपघात प्रकरणात विरोधकांनी राजकारण करू नये. हप्ते कोण घेत होतं? हे जगाला माहिती आहे. तुमच्या सत्तेच्या काळात कोणी कोणी हप्ते घेतले?हप्ते घेणारे तुमची गृहमंत्री होते. तेच तुरुंगात गेले होते. त्यामुळे उगाच बोलायला लावू नका. या अपघाताचे भांडवल विरोधकांनी करू नये. घडलेली घटना ही दुर्दैवी आहे. मात्र संबंधितांवर कडक कारवाई झाली आहे. अठरा वर्षाखालील मुलाला दारू देऊ नये ही वस्तुस्थिती आहे आणि यात दोषी आहे त्यांच्यावर कडक कारवाई करण्याचे धोरण सरकार अवलंबून आहे. हप्ता वसुली कोण करत होतं ते जनतेला चांगलं माहिती आहे. त्यामुळे उगाच भांडवल करू नये. अपघातातील मुलगा हा अल्पवयीन असल्यामुळे त्याच्यावर योग्य कारवाई केली आहे. विरोधकांनी याचं भांडवल करू नये असं स्पष्ट वक्तव्य दिपक केसरकर यांनी केलं .