महाराष्ट्रातील भाजपचा अनुभवी चेहरा हरपला! देशाच्या राजकारणात हळहळ

चेतन व्यास, साम टीव्ही

भाजपचे ज्येष्ठ नेते दत्ता मेघे यांचे निधन झाले आहे. वयाच्या 90 व्या वर्षी त्यांनी अखेरचा श्वास घेतला. विदर्भातील ज्येष्ठ नेते राजकारणी, शिक्षणतज्ञ आणि समाजसेवक तथा माजी मंत्री दत्ता मेघे यांचे रविवारी (दि.22) नागपूर येथे निधन झाले. त्यांच्या निधनाने विदर्भासह राज्याच्या राजकीय, शैक्षणिक आणि सामाजिक क्षेत्रात मोठी पोकळी निर्माण झाली आहे.

मेघे यांचा जन्म 11 नोव्हेंबर 1936 रोजी वर्धा जिल्ह्यातील पवनार येथे झाला होता. त्यांनी आपल्या प्रदीर्घ कारकिर्दीत कॉँग्रेस, राष्ट्रवादी कॉँग्रेस आणि भाजपमध्ये राहून चार वेळा लोकसभा खासदार म्हणून नागपूर, रामटेक आणि वर्धा मतदारसंघाचे प्रतिनिधित्व केले. तसेच विधानपरिषद आमदार म्हणून ही त्यांनी काम केले आहे. त्यांचे पुत्र समीर मेघे हे आमदार आहेत. त्यांच्या निधनाची वार्ता समजताच सर्वच क्षेत्रातून शोक व्यक्त केला जात आहे.