VIDEO : माहीममध्ये भाजपचा पाठिंबा नेमका कोणाला? अमित ठाकरेंना पाठिंबा देणाऱ्या भाजपचे कार्यकर्ते सरवणकरांच्या रॅलीत!

माहीमचे आमदार आणि महायुतीचे उमेदवार सदा सरवणकर यांच्या रॅलीमध्ये भाजपचे कार्यकर्ते सहभागी झाले आहेत. त्यामुळे भाजपने सदा सरवणकर यांना भाजपने पाठिंबा दिला आहे का? अशी चर्चा आता रंगली आहे. कारण या आधी भाजपच्या नेत्यांनी माहीममधूनच उभं असलेल्या मनसेच्या अमित ठाकरे यांना आपला पाठिंबा असल्याचं जाहीर केलं होतं. मात्र त्याच वेळी आता भाजपचे कार्यकर्ते सदा सरवणकर यांच्या प्रचार रॅलीमध्ये सहभागी झालेले दिसून आले आहेत. त्यामुळे भाजपचा नक्की पाठिंबा कोणाला हा प्रश्न आता निर्माण झाला आहे.

विधानसभा निवडणुकीच्या रणधुमाळीत पहिल्यापासूनच चर्चेत असलेला माहीम मतदारसंघात भाजपचा नेमका पाठिंबा कोणाला आहे, याबद्दल आता प्रश्नचिन्ह उपस्थित झालं आहे. महायुतीकडून शिंदे गटाचे आमदार सदा सरवणकर यांना या ठिकाणी उमेदवारी देण्यात आली असली तरी, भाजपच्या नेत्यानी मात्र याठिकाणी मनसे अध्यक्ष राज ठाकरे याचे पुत्र अमित ठाकरे यांना आपला पाठिंबा जाहीर केलं होतं. असं असताना आता भाजपचे कार्यकर्ते हे सदा सरवणकर यांच्या प्रचार रॅलीमध्ये सहभागी झाल्याचं बघायला मिळालं आहे. त्यामुळे भाजपच्या भूमिकेवर संभ्रम निर्माण झाला आहे.

Edited By Rakhi Rajput