'ED ने राहुल गांधींची बदनामी केली', मुंबईत काँग्रेस आक्रमक, थेट कार्यालयावर मोर्चा

Congress Protest Outside ED Office : नॅशनल हेराल्ड प्रकरणी न्यायालयाने ईडीची तक्रार फेटाळल्यानंतर भाजपावर खोटे आरोप व राजकीय सूडबुद्धीचा आरोप करत काँग्रेस आक्रमक झाली आहे. मुंबईमध्ये खासदार वर्षा गायकवाड यांच्या नेतृत्वात काँग्रेसने ईडीच्या कार्यालयावर मोर्चा काढला.

सोनिया गांधी व राहुल गांधींच्या समर्थनार्थ काँग्रेस कार्यकर्ते आक्रमक झाले. वरळीतील ईडी कार्यालयाबाहेर काँग्रेस कार्यकर्त्यांची मोठी गर्दी झाली. खासदार वर्षा गायकवाड यांच्या नेतृत्वाखाली जोरदार निदर्शने करण्यात आली. आंदोलनस्थळी कडेकोट पोलीस बंदोबस्त तैनात करण्यात आला आहे. आंदोलनामुळे परिसरात तणावाचे वातावरण आहे. काँग्रेस आणि भाजप यांच्यातील राजकीय संघर्ष तीव्र झाल्याचे चित्र आहे.