Congress Meeting: विधानसभेच्या पार्श्वभूमीवर राजकीय हालचालींना वेग; कॉंग्रेसची उद्या महत्वाची बैठक, VIDEO

मुंबई : विधानसभेच्या पार्श्वभूमीवर राजकीय हालचालींना वेग आलाय. दरम्यान कॉंग्रेस संदर्भातील मोठी बातमी समोर आलीय. काँग्रेस अध्यक्ष मल्लिकार्जुन खरगे यांनी उद्या १३ ऑगस्ट रोजी सकाळी साडेदहा वाजता बोलावली महत्वाची बैठक बोलावली आहे. कॉंग्रेसचे सरचिटणीस, सर्व राज्यांचे प्रभारी आणि प्रदेशाध्यक्षांची बैठक होणार असल्याची माहिती मिळतेय. महाराष्ट्र काँग्रेस अध्यक्ष नाना पटोले आणि प्रभारी रमेश चेंनिथला बैठकीला उपस्थित राहणार आहेत.

आगामी काळात होणाऱ्या विधानसभा निवडणुकीच्या तयारीबाबत बैठकीत चर्चा होणार असल्याची माहिती सामटीव्हीला सुत्रांनी दिलीय. जातीय जनगणना आणि सुप्रीम कोर्टाने SC/ST बाबत दिलेल्या निर्णयावर देखील बैठकीत चर्चा होण्याची शक्यता वर्तवली जात आहे. उद्या होणाऱ्या कॉंग्रेसच्या बैठकीकडे राजकीय वर्तुळाचं लक्ष लागलेलं आहे. विधानसभेच्या पार्श्वभूमीवर ही बैठक महत्वाची मानली जातेय.