Priyanka Gandhi : PM मोदींचं चॅलेंज प्रियंका गांधींनी स्वीकारलं; शिर्डीतील सभेत नेमकं काय घडलं? पाहा स्पेशल रिपोर्ट

शिर्डी : ऐकलंत.. राहूल गांधींच्या बहिण प्रियंका गांधींनी काय म्हटलं. शिर्डीतील जाहिर सभेत पंतप्रधान नरेंद्र मोदींनी दिलेल्या चॅलेंजवर आज प्रियंका गांधींनी थेट मात केलीये. गेल्या अनेक दिवसांपासून गांधीं परिवार बाळासाहेब ठाकरेंचं नाव घेत नाही असं म्हणत भाजपसोबत पंतप्रधान नरेंद्र मोदींनी ठाकरेंची कोंडी केली होती. आज प्रियंका गांधींनी मोदींच्या आव्हानावर केवळ मातच केली नाही तर भाजपनं शिवरायाचा अपमान केल्याचा आरोप करत बाळासाहेबांनी शिवरांयाचा अपमान सहन केला नसता असं म्हणत भाजपवर पलटवारही केलाय.

आज शिर्डीत प्रियंका गांधींनी बाळासाहेबांचं नाव घेत भाजप आणि थेट मोदींनी महाविकास आघाडी भक्कम आहे असा इशाराच दिला. तर मुंबईत आज कॉग्रेसचा जो जाहिरनामा प्रसिद्ध झाला त्या पोस्टरवर बाळासाहेबांचा मोठा फोटो लावून कॉग्रेंसनं आम्हाला बाळासाहेबांचं वावगं नाही असा स्पष्ट संदेश दिलाय.

याआधी गांधी भाऊ बहिण यांनी बाळासाहेबांच्या स्मृतीस्थळी जात बाळासाहेबांना वंदन केलं होतं. तर मोदींनी शिवतीर्थावर सभा घेऊन देखिल बाळासाहेबांच्या स्मृतीस्थळी जाणं टाळलं, असा आरोप होतोय. तेव्हा दर निवडणूकांच्या तोंडावर राजकारणासाठी बाळासाहेबांची आठवण येणं हे नित्याचं झालंय.