Maharashtra Politics : भाजप, मोदींवर घणाघात; काँग्रेस नेते पवन खेरा EXCLUSIVE Interview

मुंबई : आगामी विधानसभा निवडणुकीसाठी सर्व राजकीय पक्षांनी तयारी केली आहे. काँग्रेसनेही निवडणुकीसाठी मोर्चेंबांधणी सुरु केली आहे. या आगामी निवडणुकीकडे काँग्रेस कसं बघतंय, काँग्रेसची वाटचाल कशी सुरु आहे? राष्ट्रीय पातळवीर काँग्रेस पुन्हा एकदा उभारी घेतंय. आता त्यासाठी पुढचं नियोजन काय? याबाबत काँग्रेसचे वरिष्ठ नेते पवन खेरा यांनी साम टीव्हीला दिलेल्या मुलाखतीत महत्वाचं भाष्य केलं.

'आम्ही महाराष्ट्रात महाविकास आघाडी म्हणून मजबूत आहोत. आमच्यात कोणतेही मतभेद नाहीत. आम्हाला कोण कोणत्या मतदारसंघात प्रभावशाली आहे, हे माहीत आहे. संपूर्ण महाराष्ट्रात काँग्रेस मजबूत आहे, असे खेरा यांनी सांगितले.

'आमच्यात एकमेकांवर संशय नाही. आता भाजप लोकांमध्ये गैरसमज पसरवत आहेत. तिन्ही पक्ष परिपक्व आहेत. अमित शहा यांना माहीत नाही की, त्यांच्या पक्षासोबत काय होणार आहे. अमित शहा यांनी चाणक्यगिरी गुजरातमध्ये दाखवावी. त्यांची जादू महाराष्ट्रात चालणार नाही, असे खेरा यांनी सांगितले.