Nana Patole: '२०१४ पूर्वी लोणीकर उघडे फिरायचे, फक्त २ बायका होत्या'; नाना पटोलेंची जीभ घसरली

विधानसभेचं पावसाळी अधिवेशन सुरूये. या अधिवेशनाच्या दुसऱ्याच दिवशी काँग्रेस नेते नाना पटोले यांचं आक्रमक रूप सभागृहात पाहायला मिळालं. 'लोणीकर आणि राज्याचे कृषीमंत्री सातत्याने शेतकऱ्यांचा अपमान करत आहेत. हा अपमान राज्यातील शेतकरी सहन करणार नाही. मोदी तुमचा बाप असेल, शेतकऱ्यांचा बाप होऊ शकणार नाही, मुख्यमंत्र्यांनी शेतकऱ्यांची माफी मागावी. हे अजिबात चालणार नाही', असं नाना पटोले म्हणाले. तसेच विधानसभा अध्यक्षांच्या आसनासमोर धावून गेले.

यानंतर राहूल नार्वेकरांनी दिवसभरासाठी नाना पटोले यांना निलंबित केलं. विरोधकांनी याचा निषेध केला. निलंबनानंतर नाना पटोले यांनी पत्रकार परिषदेत आक्रमक प्रतिक्रिया दिली. तसेच बबन लोणीकरांवर प्रहार केला. 'आज शेतकरी दिवस आहे. या दिवसाच्या त्यांना शुभेच्छा. महायुतीचं सरकार म्हणजे माज आलेलं सरकार. या सरकारची वास्तविकता पुढे आलेली आहे. यांचे आमदार आणि कृषिमंत्री शेतकऱ्यांना भिकारी समजतात. शेतकऱ्यांच्या बायकोचे कपडे सरकार घेऊन देतं. अंतवस्त्रापासून, चप्पलापासून सगळं काही सरकार देतं. २०१४ सालापूर्वी लोणीकर उघडे फिरत होते. फक्त २ बायका होत्या, असं सध्या चित्र दिसतंय, असं नाना पटोले म्हणाले.

'जो शेतकऱ्यांसाठी बोलेल त्याला निलंबित आणि जे अपमाम करतात त्यांना सन्मानाने बसवतात', अशी टीकाही यावेळी नाना पटोले यांनी केली.