Ashadhi Wari : मुख्यमंत्री देवेंद्र फडणवीस आज पुण्यात घेणार माऊलींच्या पालखीचं दर्शन|VIDEO

संत ज्ञानेश्वर माऊलींच्या आषाढी वारीतील पालखी सध्या पुण्यात मुक्कामी असून, या पालखीचं आज रात्री मुख्यमंत्री देवेंद्र फडणवीस दर्शन घेणार आहेत. ते रात्री १० वाजता पुण्यातील विठोबा मंदिर, भवानी पेठ येथे येऊन माऊलींच्या पालखीचं दर्शन घेतील.

मुख्यमंत्री फडणवीस यांचा आषाढी वारीतील सहभाग दरवर्षीप्रमाणे यंदाही कायम असून, याआधी त्यांनी देहूमध्ये संत तुकाराम महाराजांच्या पालखीचंही दर्शन घेतलं होतं. आता पुण्यात माऊलींची पालखी असल्यामुळे मुख्यमंत्री यासाठी खास रात्री उशिरा पुण्यात दाखल होणार आहेत.

या पार्श्वभूमीवर मंदिर परिसरात पोलीस बंदोबस्त वाढवण्यात आला असून, भाविकांमध्येही उत्साहाचं वातावरण आहे. पालखी सोहळ्याच्या निमित्ताने पुणे शहर सध्या भक्तिभावाने न्हालं असून, मुख्यमंत्री उपस्थित राहणार असल्याने या सोहळ्याला आणखी महत्त्व प्राप्त झालं आहे.