VIDEO : आंबोली घाटात पर्यटकांमध्ये तुंबळ हाणामारी, काही पर्यटक जंगलात पळाले!

सिंधुदुर्गातील आंबोली घाटातील मुख्य धबधब्यावरील ही दृश्ये आहेत. या ठिकाणी आलेल्या पर्यटकांच्या दोन गटांमध्ये जबरदस्त हाणामारी झाली. वाहने पार्किंग करण्यावरून हा वाद झाला. वाद टोकाला जाऊन हाणामारीपर्यंत पोहोचला. आंबोली पोलिसांनी गडहिंग्लज आणि सावंतवाडी येथून आलेल्या या पर्यटकांच्या गटातील २९ जणांविरोधात गुन्हा नोंदवला आहे.

गडहिंग्लज आणि सावंतवाडीतून दोन गट वर्षासहलीसाठी आंबोली घाटातील मुख्य धबधब्यावर आले होते. धबधब्याजवळ रस्त्यानजीक वाहने उभी करण्यावरून त्यांच्यात वाद झाला. हा वाद टोकाला गेला. त्यांच्यात तुफान हाणामारी झाली. पोलीस येताच काही पर्यटकांनी जंगलामध्ये धूम ठोकली. पोलिसांनी तात्काळ कारवाई करून रात्री दोन्ही गटांतील पर्यटकांना ताब्यात घेतले. त्यांच्याविरोधात विविध कलमान्वये गुन्हा दाखल केलाय.