सुनील तटकरेंच्या पत्रकार परिषदेत छावा संघटनेने उधळले पत्ते, नवा वाद उफाळणार|VIDEO

कृषिमंत्री माणिकराव कोकाटे यांचा विधानसभेतला रम्मी गेम खेळतानाचा व्हिडिओ व्हायरल झाल्यानंतर राज्यभरात यावरून संताप व्यक्त होत आहे. राज्यातील शेतकरी हा संकटाचा सामना करत असून दररोज आठ शेतकरी हे आत्महत्या करत आहे. मात्र कृषिमंत्री हे विधानसभेत शेतकऱ्यांची कर्जमाफी, नुकसानीबाबत बोलण्याएवजी मस्त पत्त्यांचा गेम खेळत आहे. याच संदर्भात लातूर येथील छावा संघटनेच्या कार्यकर्त्यांनी राष्ट्रवादीचे खासदार सुनील तटकरे यांची पत्रकार परिषद दरम्यान निवेदन देत पत्ते दिले आणि माणिकराव कोकाटे यांचा राजीनाम घ्या आणि त्यांना घरी बसून पत्ते खेळायला लावा अशी मागणी केली. त्यानंतर या कार्यकर्त्यांना राष्ट्रवादीच्या कार्यकर्त्यांनी बेदम मारले. या घटनेचा व्हिडिओ आता तूफान व्हायरल होत आहे.