Chhagan Bhujbal News : छगन भुजबळ दिल्लीत कोणाची भेट घेणार? मोठी अपडेट आली समोर | Marathi News

मुख्यमंत्री देवेंद्र फडणवीस यांची भेट घेतल्यानंतर आता राष्ट्रवादी कॉंग्रेस अजित पवार गटाचे ज्येष्ठ नेते छगन भुजबळ हे दिल्लीला जाणार आहेत. ते दिल्लीत कोणाची भेट घेणार हे बघणं अतिशय महत्वाचं ठरणार आहे.

मंत्रिमंडळात स्थान मिळालं नाही म्हणून नाराज असलेले छगन भुजबळ आता मुख्यमंत्री देवेंद्र फडणवीस यांची भेट घेतल्यानंतर दिल्लीला जाणार आहेत. ते दिल्लीत नेमकी कोणाची भेट घेणार हे अद्याप समजलेलं नाही. तर उपमुख्यमंत्री अजित पवार यांची मात्र अद्यापही भेट भुजबळांनी घेतलेली नाही. त्यामुळे ते मोठा निर्णय घेण्याची शक्यता आहे. त्यादृष्टीने यांनी हालचाली देखील सुरू केल्या आहे. मुख्यमंत्र्यांची भेट घेण्याआधी भुजबळ यांनी ओबीसी नेत्यांची भेट घेऊन चर्चा केली होती. त्यानंतर आज मुख्यमंत्री देवेंद्र फडणवीस यांच्याशी सागर बंगल्यावर अर्धा तास त्यांनी चर्चा केली. मुख्यमंत्र्यांनी 8-10 दिवसांचा वेळ मागितला असल्याचं यावेळी भुजबळ यांनी माध्यमांना दिलेल्या प्रतिक्रियेत सांगितलं आहे. त्यानंतर आता ते दिल्लीला जाणार आहेत. तिथे ते कोणाला भेटणार? त्यांची पुढची भूमिका काय असणार? अजित पवार यांची साथ छगन भुजबळ सोडणार का? हे बघणं आता महत्वाचं ठरणार आहे.