Chhaava Controversy : 'छावा' वादाच्या भोवऱ्यात, लेझीम नृत्यावरुन पेटला वाद; पाहा स्पेशल रिपोर्ट

भरत मोहळकर, साम टीव्ही, प्रतिनिधी

Chhaava Movie Controversy : छत्रपती संभाजी महाराजांच्या जीवनावर आधारित छावा या चित्रपटातील दृश्यावरुन आता नवा वाद पेटलाय.. कुठलाही ऐतिहासिक चित्रपट आला की त्यासोबत वाद हा ठरलेलाच. मात्र महाराष्ट्राची अस्मिता असलेल्या संभाजी महाराजांच्या जीवनावर आधारित असलेल्या छावा चित्रपटात छत्रपती संभाजी महाराज आणि महाराणी येसुबाई यांना एकत्र नाच करताना दाखवलं आहे. आणि याला तीव्र आक्षेप घेतला जात आहे..

छावा चित्रपटातील संभाजी महाराजांचा नाच वगळण्याची मागणी जोर धरत असतानाच छोट्या गोष्टींवरुन वादंग निर्माण करण्याची आवश्यकता नसल्याचं खासदार अमोल कोल्हेंनी म्हटलंय. तर युवराज संभाजीराजे छत्रपतींनी चित्रपट पाहून निर्णय घेणार असल्याची सावध प्रतिक्रिया दिलीय.

अनेक चित्रपट प्रदर्शित होण्यापुर्वी त्यातील ऐतिहासिक दृश्यावरुन वाद पेटत असतात. मात्र सिनेमॅटिक लिबर्टीच्या नावाखाली इतिहासाची मोडतोड आणि लोकांच्या भावनेशी खेळणं योग्य आहे का? असा सवाल छावा चित्रपटातील वादग्रस्त दृश्यांच्या निमित्ताने उपस्थित होतोय.