Amit Shah News : मुस्लिम समाज आरक्षणावरून अमित शहा राहुल गांधींवर कडाडले, पाहा Video

देशातील सर्व उलेमांनी काँग्रेस पक्षाच्या अध्यक्षांची भेट घेतली असून त्यांच्याकडे आरक्षणाची मागणी केली असल्याचा आरोप केंद्रीय गृहमंत्री अमित शहा यांनी राहुल गांधी यांच्यावर केला आहे. या मुद्द्यावरून अमित शहा यांनी राहुल गांधींवर जोरदार हल्ला चढवला. राहुल गांधी यांनी कान उघडे ठेवून ऐकवे, की तुमची चौथी पिढी आली तरी देखील मुस्लिम समाजाला आरक्षण देता येणार नाही. मुस्लिम समाजाला आरक्षण द्यायचे असेल तर एससी, एसटी, ओबीसी आणि इतर समाजातील आरक्षण कमी करून द्यावे लागणार आहे. मात्र ते होणे शक्य नाही, असं देखील यावेळी बोलताना अमित शहा यांनी म्हंटलं आहे.

आज झालेल्या धुळे येथील सभेत केंद्रीय गृहमंत्री अमित शहा यांनी विरोधकांवर जोरदार हल्ला चढवला आहे. सत्ता मिळवण्यासाठी उद्धव ठाकरे हे बाळासाहेब ठाकरेंची सर्व तत्त्वे विसरले असल्याचा आरोपही त्यांनी यावेळी केला आहे. राम मंदिराच्या उभारणीला विरोध करणारे, औरंगाबादच्या नामांतरला विरोध करणारे, कलम 370 हटवण्यास विरोध करणारे, पाकिस्तानविरुद्धच्या सर्जिकल स्ट्राईकवर आक्षेप घेणाऱ्या औरंगजेब फॅन क्लबसोबत उद्धव ठाकरे असल्याचा आरोप देखील त्यांनी केला.

Edited By Rakhi Rajput