VIDEO: एनडीए सरकारच्या पहिल्याच अर्थसंकल्पात इन्कम टॅक्सबाबत मोठी घोषणा

मुंबई: एनडीए सरकारचा काल २३ जुलै रोजी पहिला अर्थसंकल्प सादर झाला. या अर्थसंकल्पात इनकम इन्कम टॅक्सबाबत मोठी घोषणा करण्यात आली आहे. ही नव्या कर रचनेतील करदात्यांसाठी खूशखबर आहे. केंद्रीय अर्थमंत्री निर्मला सीतारामन यांनी काल अर्थसंकल्पामध्ये याबाबत सविस्तर माहिती दिलीय.

नव्या आयकर प्रणालीतील करदात्यांना मोठा दिलासा मिळणार आहे. जुन्या कर प्रणालीमध्ये कोणतेही बदल करण्यात आलेले नाही. नव्या कर प्रणालीत ३ लाखाच्या उत्पन्नावर कोणताही कर नाही, तर ३ ते ७ लाखापर्यंतच्या उत्पन्नावर ५ टक्के तर ७ ते १० लाखांच्या उत्पन्नावर १० टक्के असेल. १० ते १२ लाख उत्पन्न असेल तर १५ टक्के, १२ ते १५ लाखांसाठी २० टक्के, तर उत्पन्न १५ लाखांवर असेल तर टॅक्स ३० टक्के आकारला जाणार आहे.